Ѓомлезе

Вртена пита

Доматот води потекло од Средна и Јужна Америка, а во Европа е донесен од страна на Шпанците од Перу во 15 век. Тогаш доматот служел само како украсна билка, а веќе од 19 век започнало неговото користење како храна и од тогаш се помасовно се одгледува и користи. Долго постоеше дилема дали доматот е зеленчук или овошје, додека не стигнало до највисокиот суд во САД во 1887 година, каде судот заклучил дека доматот е зеленчук - "Се јаде како супа или како додаток за супата. Со риба и месо како важен дел на оброкот, а не како десерт". Денес во исхраната најмногу го користат Италијаните и Медитеранските народи.

Греана ракија

Високата содржина на омега-3 масните киселини ги прави оревите незаменлив помошник во борбата со срцевите заболувања. Штитат од срцев удар и артеросклероза, висок крвен притисок, намалување на "лошиот" и зголемуваат на "добриот" холестерол во крвта. Оревите се популарни и како "храна за мозокот", повторно поради богатата содржина на Омега-3 масните киселини. Ја стимулираат мозочната активност и го полнат организмот со енергија.

Македонска салата

Ајварот е еден од највкусните специјалитети и најголемите тајни на балканската кујна, и веројатно води потекло од Македонија. Најдобриот ајвар се произведува во домаќинствата, затоа што само преку внимателна рачна работа може да се постигне целосно отстранување на лушпата и семето од пиперката што го гарантира чистиот вкус на ајварот. Тој е редовен и постојан дел од зимницата затоа што најлесно се конзервира и најдолго може да опстои во зимскиот период од годината.

Калоричната вредност на спанаќот не е голема, односно таа изнесува 22 kcal во 100 грама спанаќ, затоа што има во себе содржи малку белковини, јагленохидрати и масти. Тоа го вбројува во редот на продукти кои може обилно да се користат без штетни последици. Но, поради присуството на оксалната киселина не смеат да го консумираат бубрежно болните лица.

Цвеклото потекнува од средоземјето. Ова двегодишно растение со темноцрвен вретенест корен и темнозелени листови, влегува во редот на најкорисни и најлековити градинарски култури. Се користи целото растение, а може да се употребува во текот на целата година. Богато е со витамини и минерали. Лесно сварливо е и може да се јаде без ограничувања. Покрај изобилството со хранливи материи (јаглехидрати, белковини и масти), цвеклото ги содржи речиси сите минерални состојќи: калциум, калиум, натриум, фосфор, магнезиум, железо, флуор, манган, бакар, јод, сулфур, литиум, стронциум, бром... Поседува значајни количини на витамини Б1, Б2, Ц, како и витамини Б12 кој е редок во растителната храна, па цвеклото е особено важно во исхраната на вегетаријанците. Присуството на антоцијани влијае при обновувањето на крвта и има антиканцерогено дејство. Цвеклото има исклучително поволни ефекти во случаи на деминерализација на коските и забите. Присутниот јод помага во борбата против артериосклероза и го забавува процесот на стареење.

Спанаќот е едногодишна или двогодишна билка со сочни зелени листови и со цветови во вид на клас, со хлорофил најбогат зеленчук. Поради големото присуство на минерали и витамини, спанаќот го нарекуваат и како "крал на зеленчукот".