Слатко од грозје

Објавено: 15/09/2010 год.

ПОТРЕБНИ СОСТОЈКИ:

1250 грама Шеќер
1 парче/чиња Лимон
1000 грама Грозје
250 милилитри Вода

Време за подготовка: 30 мин.
Време за готвење: 60 мин.

КРАТОК ТЕКСТ:

Со помош многу истражувања е потврдено дека консумирањето цна рно грозје и производите од ова овошје, го намалува нивото на маснотиите во крвта и спречува затнување на крвните садови и настанување на тромбоза.

Екстрактот во семките на грозјето делува антиоксидансно, односно спречува оксидација на мастите, оштетување и затнување на крвните ќелии. Поради сите овие својства грозјето може да биде од голема помош, во превенција од настанување и развој на срцевите болести и артеросклероза.

ПОДГОТОВКА:

Слаткото од грозје треба да го варите од ситно грозје, посебна врста која се вика Султанија. Ова грозје нема семки, а има многу нежна кожа, така што плодот без никаква обработка може убаво да се вари. Грозјето не смее да биде премногу зрело, туку треба да биде до половина зрело.

Грозјето внимателно измијте го и скинете ги зрната од него, едно по едно. Во сад за варење слатко сипете шеќер, налејте ја водата, па варете сируп како и за секое друго слатко. Кога сирупот ќе биде сварен, спуштете го грозјето во него и продолжете со варењето. Додадете лимон, излупен и исечен на кругови. Варете се додека смессата не се згусне.

Тогаш тргнете го слаткото од шпоретот, внимателно отстранете ја пената од површината и покријте со чисто платно. Оставете да отстои 12 часа, а потоа сипете во суви и чисти тегли. Теглите оставете ги да отстојат на ладно место.

Зачувај во својата кутија

Логирајте се да можете да го оценувате рецептот.
На тој начин ги подобруваме рецептите кои се за Вас.

Слични рецепти:

	Ќебапи Подготовката е доста позната на нашите простори, уживањето во нивниот вкус и арома уште повеќе. Ви посакуваме добар апетит.
	Гулаш од печурки Уште во минатото е забележано поврзаност на човекот со печурките. Печурките имаат важна улога во исхраната на Кинеската цивилизација повеќе од 6500 години. Вргањот и Јајчарката се сметале за деликатеси уште пред 2000 години. Покрај хранливата вредност на печурките и нивните квалитети, тие исто така се употребуваат и во медицината, а од нив се изработуваат повеќе медицински препарати. Како медицински помагала моќта на печурките највеќе се употребува во далечниот исток, затоа што западната медицина сеуште ги тестира печурките кои што сите тестови ги поминуваат одлично.
	Јанија со спанаќ Јанија со спанаќ
	Греана ракија Греана ракија
	Прилепски ширден Ширден е внатрешен орган на младо јагне кој преставува продолжение на желудникот.
	Пита со јаболка и моркови Јаболкото е познато и како "чистач" на крвта, затоа што го намалува нивото на холестеролот, ги зајакнува сите мускули, а посебно мускулите на срцето. Многу е богато со витамините А, Б и Ц, кои ја зголемуваат одбрамбената способност на организмот, а семките од јаболкото, се многу корисни затоа што изобилуваат со јод. Сокот од јаболкото, е одличен напиток за децата, како и за мајките, со тоа што го помагаат лачењето на мајчиното млеко.
	Македонски Ѓувеч со праз Македонски гувеч со праз
	Домашен кечап Доматот води потекло од Средна и Јужна Америка, а во Европа е донесен од страна на Шпанците од Перу во 15 век. Тогаш доматот служел само како украсна билка, а веќе од 19 век започнало неговото користење како храна и од тогаш се помасовно се одгледува и користи. Долго постоеше дилема дали доматот е зеленчук или овошје, додека не стигнало до највисокиот суд во САД во 1887 година, каде судот заклучил дека доматот е зеленчук - "Се јаде како супа или како додаток за супата. Со риба и месо како важен дел на оброкот, а не како десерт". Денес во исхраната најмногу го користат Италијаните и Медитеранските народи.
	Пица мусака Мусака (грчки: moussakas; романски: musaca; турски: musakka; арапски: musaqqa) е традиционално јадење, кое претежно се подготвува на Балканскиот полуостров и на Блискиот исток. Во земјите на Запад се смета дека мусаката е изворно грчко јадење.
	Ликер од ореви Високата содржина на омега-3 масните киселини ги прави оревите незаменлив помошник во борбата со срцевите заболувања. Штитат од срцев удар и артеросклероза, висок крвен притисок, намалување на "лошиот" и зголемуваат на "добриот" холестерол во крвта. Оревите се популарни и како "храна за мозокот", повторно поради богатата содржина на Омега-3 масните киселини. Ја стимулираат мозочната активност и го полнат организмот со енергија.