Која е поздрава, готвената или свежата храна?

 Некои нутриционисти велат дека за здрав организам неопходна е поздраво термички обработената храна (овошје, зеленчук), додека други им даваат предност на свежите намирници.

Во научните кругови често се дискутира околу тоа, што е поздраво за организмот, дали е поздраво да се конзумира термички обработена или свежа храна, околу тоа што се случува со витамините и минералите при термичкото обработување и како организмот ги поднесува свежите намирници. Во овие дискусии има две страни, едната страна на нутриционисти велат дека термички обработената храна е подобра, другата го тврди спротивното. Преку оваа статија ќе ви ги приложиме аргументите од двете страни, а вие сами одлучете што е поквалитетно.

Свежи намирници
    
Многу експерти тврдат дека овошјето и зеленчукот треба да се конзумираат свежи, со исклучок на осетливите и постарите лица, на кои им се препорачува да конзумираат готвена храна. Велат дека со конзумирање на свежи намирници се задржуваат потребните витамини кои му се потребни на организмот, додека, кога ќе ги зготвиме на било каков начин тие ги губат овие вредни состојки. За време на термичката обработка на намирниците, се уништуваат голем број на хранливи материи, а освен тоа, свежиот зеленчук бара интензивна преработка на храната при дегустација, што позитивно влијае на забите. Истите експерти додаваат дека, само свежата храна може да воспостави оптимален баланс на метаболизмот и влијае на побрзо и поефикасно извлекување на штетните супстанци и отрови во организмот, што на ќелиите им овозможува да ја задржат еластичноста и виталноста.

Готвени намирници

Низ својот развиток човекот заклучил дека растителната храна може да се подготвува на оган. Сите народи од било кој дел на светот термички ја обработуваат храната, на пример Абориџините во Австралија прво го варат слаткиот компир, за понатака да го испржат, излупат, рендаат или пасираат. Оваа друга страна составена од нутриционисти, си имаат исто така свои аргументи зошто е подобро да се готви билната храна пред да се дегустира. Велат дека секаде во светот, откако постои човекот општо е познато дека термички се обработува храната, бидејќи свежите намирници можат да предизвикаат стомачни тегоби и болести.

Дали навистина хранливите материи се уништуваат преку готвењето?

Експертите кои тврдат дека свежата храна е подобра за организмот, како главен аргумент го истакнуваат фактот дека со готвењето се уништуваат голем број хранливи материи потребни за организмот. Дали тоа е навистина точно?

Можеби ќе ви звучи чудно, но никој во минатото не ја отворил оваа тема, ниту сметал дека е од голема важност, за тоа колку витамините се унишуваат при термичко преработување на храната. Но, актуелни истражувања го поништуваат овој аргумент, така што потврдено е дека готвениот зеленчук не само што не ги губи значително состојките од неговата претходна состојба, туку дури е во предност!

Италијанските научници направиле истражување, при кое тие готвеле морков, тиква и брокули, а притоа мерејќи ја количината на витаминот Ц, глукозата и другите хранливи материи. Забележале дека се губи значително витаминот Ц, но останатите состојки ја задржуваат истата количина.

Од ова може да се заклучи дека готвениот зеленчук содржи потполно задоволувачки количини на хранливи и здрави материи. Останува на вас, како ќе одлучите да ја припремате храната.