- Минерализација на коските
- Пренос на нервните сигнали
- Регулирање на крвниот притисок и срцевиот ритам
- Регулирање на контракцијата на мускулите
Најважниот мускул, чија фнкција зависи од внесот на магнезиумот е срцето. Сè повеќе се проучува поврзаноста на недостатокот на магнезиум со неправилната работа и нарушувањата на срцето, развојот на ангина пекторис и многу други појави.
Недостатокот е честа појава
Преку вообичаена исхрана дневно се внесуваат 180-300 мг. магнезиум, меѓутоа, треба да се земе во предвид дека организмот е во состојба да апсорбира само една третина од магнезиумот, кој се внесува преку исхраната. За намалувањето на ресорпција на магнезиумот од храната влијае и застапеноста на мастите во исхраната, внесот на фосфати, алкохол, стрес и некои видови на лекови.
Недостатоците од магнезиумот можат да се појават во текот на растењето и развојот на децата, за време на бременоста, при повраќање, дијареа и хронични заболувања на бубрезите, при интензивен стрес, при повраќање и хронични заболувања на бубрезите , при внесување на масна храна, прекумерно консумирање на млечни производи, итн.
Симптомите од недостаток на магнезиум вклучуваат слабост на организмот, грчеви во мускулите, нарушена работа на срцето, раздразливост и главоболки.
При недостаток во органимот се препорачува внесување на диететски додатоци на база на магнезиум, особено за превенција од срцеви и кардиоваскуларни заболувања, појава на висок крвен притисок, дијабетис, нервна напнатост, раздразливост, нарушување на спиењето, при бременост и доење, секако во консултација со лекар.
Извор на магнезиум во храната
- Блитва - идеална за подготовка на лесни јадења, а освен со магнезиум, богата е и со калиум, железо, минерални остатоци, витамин Ц. Една шоља варена блитва задоволува и до 50% од дневната потреба за магнезиум.
- Спанаќ - се вбројува во нутритивно најбогатиот зелен зеленчук. Една шоља варен спанаќ задоволува 40% од дневната потреба за магнезиум.
- За надоместување на магнезиумот треба почесто да се грицкаат бадеми, ореви, лешници, кикирики или уште подобро, семки од тиква и сончоглед. Една четвртина шоља бадеми задоволува речиси 70% од дневните потреби за магнезиум, а истата количина на семе од тиква дури 85%
- Помеѓу другите страни, сојата е позната и како богат извор на магнезиум. Уште повеќе магнезиумот се содржи во сирењето од соја, тофу. Половина шоља задоволува околу 40% од дневните потреби за овој минерал.
- Јогуртот во 100 гр. содржи околу 20 мг. магнезиум.
- Во 100 гр. чоколадо има околу 230 мг. магнезиум, што претставува 75% од дневните потреби за овој минерал.
Од огромно значење за здрајето и нормалното функционирање на организмот претставува внесувањето на потребните количини на магнезиум. Овие потреби зависат од општата состојба на организмот, возраста, полот, бременоста, доењето и прехрамбените навики.
Според дневно препорачаните дози, магнезиумот е потребен:
за деца - 170 мг.
за тинејџери - 350 мг.
за жени - 280 мг.
за мажи - 350 мг.
