Приготвување на тестото
Потребни состојки:
1. Исечете пола квасец и земете една празна чаша која ќе ви служи како мерка за брашното.
2. Загрејте млака вода во ѓезве и ставете ја во чашата со квасецот. Водата нека биде млака, да не врие и да не биде многу топла. Така растопен квасецот со млака вода оставете го да одстои 5-10 минути.
3. Во празната чаша додадете го брашното. Ние користевме една чаша `ржано брашно, една чаша пченкарно брашно и една чаша бело брашно. Треба да има околу пола килограм брашно за еден леб. Но оваа постапка важи за било кој тип на брашно.
4. Брашното поминете го низ сеалка за да се отстранат некои поголеми парчиња од житарките, ѓубре, а не ретко може да се најдат и ситни инсекти во брашното па на овој начин ги отстранувате. Оваа постапка се препорачува и кога месите со било кое брашно.
5. Остатокот од сеењето фрлете го.
6. Во исеаното брашно додадете половина лажица шеќер и половина лажица сол
7. Квасецот би требало веќе да е растопен во млаката вода. Сега треба да го истурите во брашното.
8. Еден совет: Не започнувајте веднаш со месење додека водата е на површината од брашното бидејќи ќе ви се залепи за рацете целата смеса. Прво протресете го садот да се упие водата во брашното. Доколку е малку, додадете вода додека не се натопи и останатиот дел од брашното. Додавајте по малку, бидејќи ако додадете многу вода ќе биде многу леплива смесата и нема да можете да ја измесите.
9. На масата или рамната подлога каде што ќе го месите тестото истурете брашно пред да ја ставите смесата. На тој начин ќе избегнете смесата да се залепи за подлогата. Почнете да го месите тестото пристикајќи го. Доколку осетите дека е многу лепливо додадете брашно. Доколку осетите дека е многу тврдо и суво можете по малку да додадете вода но внимателно со количината.
Месењето е околу 10 минути и на крај треба да добиете меко тесто.
10. Откако сте го измесиле лебчето, можете да направите ресички со нож за поубаво да се испече.
11.За поубав вкус и изглед ние одлучивме да додадеме малку кршени житарки по површината на тестото.
Ова може но и немора да го правите по желба. Доколку имате дома, можете да ставите и овесни снегулки или некој друг тип на житарки.
12. Го враќаме припременото тесто назад во садот каде што ја приготвувавме смесата за да нарасне.
13. Покријте го садот со крпа и завиткајте го во некое постаро кебе за да ја задржи температурата и да нарасне тестото.
Така покриеното тесто оставете го да одстои 30-45 минути. Но тоа исто така зависи од температурата на просторијата. Доколку станува збор за топла просторија, тестото побрзо ќе нарасне. Доколку е тоа ладна просторија ќе му биде потребно повеќе време.
14. Откако нараснало тестото пуштете ја рерната на 180 степени и оставете ја 5-10 минути да се загрее.
Во загреаната рерна во тавче за печење ставете го тестото и печете околу 15-20 минути.
По печењето проверете со вилушка дали е добро испечено во внатрешноста на лебот.
